· Expect the unexpected ·

《數碼港酒店新發現 「純淨」房間住完鼻敏感舒緩了…一晚咁多》

今時今日相信唔少都市人同我一樣,每日都被鼻敏感或者皮膚敏感困擾,我亦好幸運同時有齊呢兩個煩惱。每次去到入住既旅館,總要抹過房間既枱櫈先放心。最近收到數碼港艾美酒店既邀請,有機會試住佢地新推出既純淨客房,聽到都心動,仲有機會踏足遠離繁囂既數碼港,平時做野咁辛苦,趁住週末入去「純淨」下身心,度假都唔一定要搭飛機既!
                                     
位於數碼港的艾美酒店最近成為香港首間酒店,推出經過PURE GLOBAL專業處理的純淨樓層(Pure Floor)及純淨客房(Pure Room)。純淨樓層設於酒店頂層13樓,全層共有20間純淨客房。純淨技術獲得Pure合格證書,利用七個獲得專利的Pure淨化程序,為客人打造98%不含細菌、病毒及雜質的環境,空氣夠清新,自然住得安心睡得好!





純淨客房的空調設備經過消毒處理,並於空調中裝有茶樹精油,讓房間散發陣陣清香,帶來度假時輕鬆愉快的感覺。

每間純淨房間均使用特設的抗菌床套枕套,而且地毯及椅套均使用無味無臭的環保清潔用品清潔,減少哮喘、化學品過敏、塵蟎及塵埃等所引發的過敏。


為保持客房純淨,每間房間都設有先進的空氣淨化機,客人可自行調節運行速度,夜間更可以開啟靜音模式。


玻璃工作枱空間感十足,還有備用枱面可打開,就算兩個人同時使用也不會太擠迫。



雙層窗簾設計照顧到對光特別敏感的客人,第二朝不容易被陽光照醒,大大提高睡眠質素。


這次入住的房間雖然望不到無敵大海景,但對住綠油油的山景和酒店泳池一樣醒神。


純淨樓層走廊同樣放置了空氣淨化機,出入也能呼吸到最乾淨清新的空氣。


酒店自助早餐設於4樓的Prompt餐廳享用,食物款式不算多,不過有我喜歡的益力多無限添飲,還有illy拉花咖啡慢慢嘆!




住後感:針對有過敏反應既客人,純淨房間的確係一個好選擇,房間既淨化程序使用左好高既技術去打造一個純淨環境。住完一晚之後,鼻敏感真係舒緩左,而且我習慣用被蓋住個頭瞓覺,抗菌被套可以令我瞓得更安心。

我覺得酒店推出既純淨客房完全配合到整個數碼港既感覺,無論你靜靜地喺房間休息,定係出去海濱公園散步,都會呼吸到好清新既空氣。下次唔去外國度假,可以考慮下入數碼港住返晚,心情都會放鬆啲!

數碼港艾美酒店 Le Méridien Cyberport
地址:香港數碼港道100
訂房電話:+852 2980 7000
房價:智能客房每晚HK$1,352起(12月份)

鳴謝:數碼港艾美酒店

Email: iamtravelqueen@hotmail.com
Facebook: http://www.facebook.com/iamtravelqueen
Instagram: http://instagram.com/iamwaitingxx

沒有留言:

發佈留言