· 流浪的心不會老 ·

箍牙後記

一場疫症,留學的事像夢一場,半工讀忙得滑手機的時間也沒有,躺在沙看藍天聽海,是在這裡最慰藉的時候,好好地放空。留下來也好,久久未做的事一一完成它,箍牙是其中之一。



























去年4月開始戴隱形牙套,經牙醫做3D掃描及X光檢查分析,我的牙齒狀況需要箍6.5個月,療程進行了約三分二,Zenyum團隊與我再約時間上診所覆診,看有沒有需要配戴額外牙套延長療程。











箍牙第一天及四個月後對比圖:



10月中我已完成整個療程,箍牙前後的效果也很明顯,之前提到下排牙齒逼到移位,現在看上去再沒有歪斜,牙齒也沒感到不適。


                                                           戴固定器一年後的牙齒正面及側面圖:





半年的療程說長不長,起初戴牙套有點不自在,慢慢成了生活的一部分,箍牙後亦更注重牙齒健康,飲食前除牙套,飲食後用牙線清潔牙縫,再用清水潄口戴上牙套,日夜用美白牙膏刷牙及潄口。




牙齒跟牙肉是有記憶而且會持續移動,所以完成療程後還是需要配戴固定器,配戴時數根據半年至一年以上調節。


1至第6個月:每天配戴20-22小時

6個月至1年:每天配戴10-12小時

2年至第3年:每天睡覺時配戴8小時

3年及之後:隔晚睡覺時配戴8小時


不想白白花半年時間箍牙然後打回原形,就必須持續配戴固定器,聽起來很麻煩,其實幾個月慣了戴隱形牙套,戴了亦看不出大分別,再戴半年、兩年或更久也沒關係。戴固定器近一年,除了吃飯大部分時間我還是戴20小時以上。


固定器可以經Zenyum訂造,價格如下:

1副固定器 $1,800

3副固定器 $3,600





3副享組合優惠較划算,畢竟固定器天天戴,長時間用牙套有機會磨蝕,約一年換一副新較好。





日常只要為固定器做好基本清潔,除下後用清水沖洗再放在牙套專用盒子,早晚再用牙刷及清水刷洗就可以了。


如果您都打算用隱形牙套可以先登記做免費評估~

經以下連結及使用優惠碼「Travelqueen500」慳HKD500

http://bit.ly/iamtravelqueen_zenyum


延伸閱讀:

箍牙究竟係咩feel

箍牙都可以露齒笑


-----------------------------------------------------------------------------------------------------------------
遊記|照片影片

旅遊諮詢心得交流合作機會

箍牙究竟係咩feel?

41日我失業!(還希望老闆是跟我開玩笑)
呢日亦係我正式箍牙喇!!
A new journey begins😬



上文「箍牙都可以露齒笑」分享過我點解想箍牙,而最後揀咗Zenyum隱形牙套,只需港幣13,800及一次性牙醫諮詢費港幣1,500,最快39個月就完成療程。

之前經過免費評估、上診所見牙醫做3D掃描及X光檢查、預覽3D矯齒模擬圖像、付費後隱形牙套將投入生產。等咗約三至四星期,當牙套完成生產運抵香港,Zenyum團隊就約我上診所拎牙套再教我戴牙套。

到診所之後,牙醫會視乎情況需要去幫用家磨牙,作用係喺牙縫間製造空間令牙套緊貼牙齒,俾牙齒空間移動及作出矯正,成個過程大約510分鐘,唔需要麻醉亦唔會痺痛。

磨牙後姑娘教我點樣戴牙套同埋使用牙膠嘅方法,當我自己都試除試戴好牙套後,就正式開始戴我第一個牙套,同時將成個療程嘅牙套一次過帶返屋企。



牙套盒開箱:
1 x 牙套及說明書
1 x 牙套專用盒子
1 x 牙膏牙刷套裝贈品



紙盒內左上角係牙套配戴及清潔說明書,右下角卡紙顯示療程長度,我需要箍6.5個月。



另外有張Smile Summary顯示箍牙前後對比圖,亦即係之前做3D掃描得出嚟嘅矯齒模擬圖像。



6.5個月共需要13個牙箍,牙套分兩排,由左至右排列,牙套係獨立包裝,包裝上都列明牙套號碼,分軟膠及硬膠。即使用家唔用原裝紙盒保存牙套,每次換新牙套前只要睇清楚包裝上嘅號碼就唔怕亂。





每個牙套上都印有用家名字、第幾個牙套以及牙套嘅軟硬程度。



紙盒內有個備用咬膠。



隨盒附送嘅牙套專用盒子底部有透氣孔,可妥善存放牙套同咬膠。




用家箍後感:
對一個無箍過牙,第一次戴牙套嘅人嚟講,感覺好得意。戴咗牙套幾日,個口突然多咗啲嘢,不時「口痕」,不過一兩日後就適應,戴住瞓覺無唔舒服,除戴亦愈嚟愈熟手。

揀隱形牙套嘅用家都係想箍牙箍得靚,呢個隱形牙套戴咗同無戴近乎無分別,唔仔細睇幾乎唔知戴緊牙套。
無戴牙套
有戴牙套
我覺得箍牙後最大影響係改善到飲食習慣。除咗清水,戴牙套唔可以飲熱飲、甜或有色飲料,好似茶、咖啡同紅酒等,每次食嘢飲嘢前都要除牙套,食完嘢最好先用牙線清潔牙縫,再用清水漱口先戴返牙套。

步驟有啲煩,尤其出街食飯盡可能唔想喺人面前除戴牙套咁醜怪。箍牙後飲食都變得清淡,少食零食亦少飲有色飲料,寧願飲多幾杯水,減少牙齒色素,同時唔使成日又除又戴。如果箍牙可以改善飲食習慣,應該係個好開始。

有時除牙套有啲位特別緊,有種錯覺隻牙幾乎剝埋出嚟,姑娘話咁係代表牙齒開始移動,口腔適應緊牙套嘅存在。換新牙套可能有唔舒服嘅現象,大概一兩日就會慣。

目前我幾滿意箍牙嘅過程,雖然多咗啲習慣要注意,不過為咗6個半月後笑容再靚啲,做多少少都值得。當慣咗日常除戴同清潔就輕鬆得多,每7日換個新牙套,亦唔擔心太污糟。

配戴牙套方法:
  1. 將隱形牙套逐一放入,先配戴上排牙套,再到下排。用手指輕輕推入牙套,對準牙齒將其卡到合適位置。
  2. 使用附送的咬膠 (Chewies) 將牙套固定,不要直接咬緊牙齒去固定牙套。在牙套對準牙齒後,再慢慢咬住咬膠,這樣有助牙套緊貼牙齒,令牙齒可按計劃移動。每天最少花5分鐘使用咬膠,每次用完咬膠都需以冷水清洗抹乾,放回專用盒子內。
  3. 摘除牙套時,從後方近大牙慢慢地將它們向前推出。左右交替,直至牙套完全脫離牙齒。然後將牙套存放在專用盒子內。
  4. 根據療程來配戴相應階段及顏色的牙套,每7天換一個新牙套,一星期戴軟膠牙套,接著一星期戴硬膠牙套,如此類推。最後兩個階段為「Zen Stage 」,透過進一步矯正牙齒位置,達致最佳效果。相關資訊已列明在相應牙套包裝上,或向牙醫查詢。

如何清潔牙套?
基本上只有飲食時及早晚刷牙會摘下牙套,其他時間都必須戴著牙套,每天戴約2022小時。早晚刷牙時,亦需同時清潔牙套。
  • 以冷水沖洗牙套,用牙刷輕輕洗刷牙套內外面,力度不應太大,亦不可使用硬毛牙刷、牙膏、肥皂或其他清潔劑,這可能會損壞牙套。
  • 在飲食或刷牙前需摘下牙套。吸煙時亦不可戴著牙套。
  • 牙套只能存放在專用盒子內,避免丟失或損壞。

Zenyum App
Zenyum針對微矯齒嘅用家,因此個案都唔太複雜,用家唔需要成日上診所檢查。基本上係第一次上診所做掃描、第二次拎牙套試戴及第三次完成療程前一個月返診所覆診外,其他時間用appZenyum團隊同牙醫去跟進箍牙進度。

Zenyum app可以喺Apple StoreGoogle Play Store下載,有中英文界面。登入後會顯示個人帳戶,由戴牙套第一日開始紀錄進度,亦可以睇返成個療程嘅3D矯齒模擬圖像。呢個app7日有提示通知換牙套,例如我41日確認開始療程,系統將顯示第一個牙套嘅使用期為41日至48日,因此下次換牙套就係8號喇,而每次換新牙套都需要影一張戴住牙套嘅露齒相上載到app。用家亦可以透過app嘅即時對話功能同Zenyum團隊同牙醫溝通。






4…5…6…7…8…9月中,預計6個半月我就完成療程,好期待睇到牙齒嘅變化,之後再影相俾大家睇啦~

如果您都打算用隱形牙套可以先登記做免費評估~
經以下連結及使用優惠碼TRAVELQUEEN500HKD500


-----------------------------------------------------------------------------------------------------------------
遊記|照片影片

旅遊諮詢心得交流合作機會

箍牙都可以露齒笑



我想分享一件兒時往事。話說有晚阿媽執緊嘢準備帶我哋去唔知邊度玩,我同阿哥無嘢做就玩騎膊馬,果時我得四歲,阿哥大我一年,佢叫我做隻馬,然後騎我上面,我又傻又天真雙腳跪喺地,雙手撐住背上嘅阿哥,喺個廳騎呀騎,玩得好開心。騎咗一個圈我話好攰停一陣,鬆開咗一邊手,點知阿哥無理繼續推我行,「砰嘭」,半秒間我成塊面趴咗落地

當我抬起頭,成地血,我兩隻門牙跌爆咗!!阿哥嚇到差啲瀨尿,我用最悲哀嘅哭聲呼喚我阿媽,阿媽九秒九衝過嚟抱我入醫院,果晚我哋無得去玩,成晚就喺急症室過。

由於我嘅乳齒係非正式咁脫落,門牙位有個大窿,遲遲未出牙,所以細細個就被親戚賜我「崩牙妹」呢個花名。

由讀書到出嚟做嘢,唔同階段身邊都有人箍過牙或箍緊牙。細個多數人用傳統鋼箍,效果最持久,但「鋼牙妹」呢個名唔多唔少有啲哽耳,而且聽朋友講鋼箍唔止要剝牙,鋼箍仲會成日刮到口腔兩邊而生飛滋,聽到都怕怕。




當我話要箍牙,好多人都出奇點解我啲牙咁齊都要箍,我有少少哨牙,而且早幾年出智慧齒後,下排牙齒逼到移位。有日同箍緊隱形牙套嘅朋友傾開,先知道今時今日箍牙比想像容易,而且宜家嘅矯齒技術愈嚟愈好,唔再需要一箍箍兩三年,好似我咁想輕輕改善牙型問題,唔使一年就可以達到理想效果。試問有邊個女仔唔貪靚,聽完佢講我都心思思想箍埋一份,整靚排牙之後幾廿年繼續自信咁露齒笑。



上網比較過幾間提供隱形牙套療程公司,最後揀咗Zenyum2018年新加坡成立嘅隱形牙套公司,標榜一個價錢唔限療程箍幾耐同用幾多個牙套,只需港幣13,800及一次性牙醫諮詢費港幣1,500,最快39個月就完成療程。朋友嘅妹妹就係用緊呢間公司,箍咗幾個月差唔多完,話效果唔錯,於是我就去Zenyum網頁免費做牙齒評估。

同我一樣未箍過牙應該有好多疑問,等我就以下幾方面簡單同大家介紹Zenyum隱形牙套箍牙究竟係咩一回事。

點解要箍牙?
  • 改善牙齒唔齊、牙罅疏、爆牙或哨牙問題
  • 想有一排靚靚嘅牙齒增強自信心
  • 影相露齒笑唔使就住就住

Zenyum嘅原因:
  • Zenyum針對微矯齒,適合想輕輕改善牙型或曾箍牙但效果未夠好的用家。Zenyum並不提供剝牙,因此較複雜的矯齒個案它未必適合。
  • 比市面其他隱形牙套價錢低,只需港幣13,800及一次性牙醫諮詢費港幣1,500,不限療程箍幾耐及用幾多個牙套,無隱藏收費。
  • 所有療程經執業醫生審批,於本地牙醫診所由專科牙醫進行諮詢及跟進整個療程過程。
  • Zenyum的隱形牙套採用醫療用級別非BPA無乳膠塑料製成。
  • 透明設計的隱形牙套肉眼基本上是看不到,配戴自然舒適美觀。
  • Zenyum團隊回覆快,透過電郵、電話或Zenyum流動應用程式與客人溝通,跟進客人矯齒進度。

箍牙療程流程:
  1. 免費首次評估,利用連結根據指示上傳不同位置的牙齒照片,並留下個人資料,發送給Zenyum團隊。
  2. 免費牙齒評估,Zenyum的執業專科牙醫會初步審批牙齒照片,如客人的牙齒適合配戴他們的牙套,將安排客人到附近的夥伴牙齒診所做詳細諮詢。
  3. 詳細諮詢包括3D掃描、X光檢查及簡單身體評估。一次性的諮詢費用港幣1,500會直接繳付診所。
  4. 一至兩星期後客人將收到專屬的3D模擬圖像,預覽矯齒後的笑容。
  5. 接著會收到Zenyum的電子帳單港幣13,800。付費後隱形牙套將投入生產,約三至四星期內收到它們。
  6. 如果客人在療程結束時對效果不滿意,Zenyum將提供額外的牙套,無需額外費用。若重新掃描需另繳付港幣1,500予診所。
  7. Zenyum建議配戴固定器保持更佳效果。這不是療程的一部分,需額外收費港幣1,800。客人可按需要自行決定。




成個療程幾多錢同箍幾耐:
整個療程只需港幣13,800及一次性牙醫諮詢費港幣1,500,不限療程箍幾耐及用幾多個牙套,無隱藏收費。療程時間視乎個別客人牙齒狀況而定,不一定每個人都適合Zenyum隱形牙套,例如我朋友的妹妹能戴Zenyum,而她自己有爆牙,牙齒情況較複雜,必須剝牙才能配戴牙套,因此只好選擇其他隱形牙套公司。

箍牙前需注意嘅地方:
牙醫檢查完指我的牙齒及牙肉顏色偏深,應該同我日常飲太多有色飲料有關,所以建議我正式戴牙套前先洗牙,一方面是效果更美觀,二來是防止蛀牙。牙醫告訴我帶牙套後若牙齒間有食物殘渣或清潔不乾淨的話,用牙套覆蓋著牙齒有機會引致蛀牙,所以日常清潔需花更多時間,而且建議定期去洗牙。

講返我個例子,大約二月頭我電郵問Zenyum箍牙嘅嘢,第二日回覆我先做首次免費評估,由牙醫審查我上載嘅牙齒照片,牙醫分析完覺得我嘅牙齒係適用Zenyum嘅隱形牙套,之後我就要去註冊牙齒診所做詳細諮詢,包括3D掃描、X光檢查及簡單身體評估。



當我約好去做詳細諮詢,Zenyum就安排咗佢哋嘅專用私家車接我去診所。呢個安排好驚喜好貼心,只要客人需要,Zenyum係可以安排接載地區較偏遠嘅客人,尤其近期疫情嚴重,人心惶惶,非必要都唔想搭交通工具,Zenyum專車提供點到點接送,咁就可以放心去箍牙喇。




去到診所姑娘先探體溫,然後填表格,再入房見牙醫。一連串掃描檢查需時約15分鐘,搞掂就可以返屋企等結果。









之後牙醫就根據牙齒分析製作出3D模擬圖像,係一段影片顯示療程中牙齒嘅變化,唔同部分嘅牙齒形前後嘅分別,亦會計算到成個療程大約需時幾耐。

睇完3D模擬圖像我都幾滿意個效果,牙醫建議我箍7個半月,由三月開始箍到十一月左右,除咗安排第一次上診所拎牙套同教我點帶之外,療程中段亦會再約我返診所檢查進度。

當我收到Zenyum嘅電子帳單,只需要網上用信用卡或銀行轉帳就可以完成付款交易。接下來就等Zenyum度身訂造我嘅專屬牙套,一般預三至四星期內就收到通知。

過幾日我就會去診所試戴第一個隱形牙套,好期待呀!之後再同大家分享我嘅箍牙進度,呢段時間我會繼續去旅行影多啲靚相,繼續我嘅招牌露齒笑:D






如果您都打算用隱形牙套可以先登記做免費評估~
經以下連結及使用優惠碼「TRAVELQUEEN500」慳HKD500

-----------------------------------------------------------------------------------------------------------------
遊記|照片影片

旅遊諮詢心得交流合作機會